قصيدة عن (الأم)

ياعفت شرف يل ماتمـــــــــــسها النار..
سبحان الوصه بيها اشــــــــــكدعفيفه..

مقام اشكده الــــــــــــج يم الله موجود..
امي الكعـــــــــــبه اضنها اشكد شريفه..

امي الشمس جنها تعمي عين الشاف..
وحـــــــــك اســلام جدك ياحنـــــــيفه..

ماهــــــــــودت ساعه اتلولي نص اليل..
وتربينه على اديها اشــــــــــكد نضيفه..

جنه ازغـــــار كلنه الــــــــوع مـــــــرات..
وتســـــــكت بيـــنه ما واحد تــــــعيفه..

شكد شــــــــــافت تعب وتحملت ضيم..
وتغيــــــر لونــــها وصــــــارت وصــــيفه..

هــــــموم اهواي شالت فـــــوك الاجتاف..
وتــــــكول الحمد لله شــــكد خــــفيفه..

لمتنــــــه بــــعبايه وجــــــــــينكو البيت..
وتربيـــــــنه وترعـــــــرعنه ابصـــــــريفه..

امي الملــــكه عـــــــدها اتناغي للضيف..
وتصيـــــــح اهلا وسهلا للتـــــــــــضيفه..

شنـــــــــــجازيج احنه شلون نوفي وياج,,
نصيـــــــر اعيون لو صـــــــــرتي الكفيفه..

يل حضنـــــــج وطن ما مرة بــــــــردانين..
نبرد ليـــــش وحنه ابنص خـــــــــــــريفه..

نشم ابشـــــــــيلتج من يــــــــــكرب اليل..
وحـــــلات اليل من يكضي على كيـــــــفه..