طريقة عمل تارت الفواكه

المكونات والمقادير:

_3 كوب دقيق
_ 2 كوب زبده
_ 1 كوب سكر بودرة
_ 3 بيضات
_ فانيليا

عمل الكريمة:
باكو كسترد واعمليه كالمعتاد (باكو الكسترد ضيفيه على نصف ليتر لبن مغلي وسكر )
او كريمة جاهزة برضها حلووه.
وجهزي فواكه مشكله وقطعيها علي زوقك

طريقة التحضير:
نبدأ بفرك الزبده حتى تبيض
وبعدين ضيفي السكر البودرة
وافركيه مع الزبده حتى تشعري انها اصبحت كالكريمة
وبعدين اكسري بيضه بيضه على الكريمه اللي عملتيها
حتى تمام الاختلاط .
(طبعا الفانيليا توضع بعد البيض )

وبعديها ما بقي الا الدقيق
حطيه بعد ما تنخليه
واخلطي كويس

وتكوني محضره قالب التارت الكبير او القوالب الصغيرة..
ودهناها زيت
حطي العجينه في القالب او القوالب الصغيرة
وتكون العجينه رفيعه مش سميكه
وخرميها بعد كده بالشوكه خرام بسيطه حتى لا تتخمر في الفرن
وضعيها في فرن متوسط الحراره ..
بس خلي بالك التارت مش بياخد وقت طويل
ممكن ربع ساعه ممكن اقل لو كان الفرن ساخن
وبعد ما تخرجي التارت وبعد ما يبرد ...... احشيه كاسترد او الكريمة و ضعي فوقها الفواكه وضعيه في الثلاجه ثم قدميه بعد ما يبرد